corona : छत्तीसगढ़ म फेर मिलिस कोरोना के 14 नव मरीज, सक्रिय मरीज के संख्या होइस 859

जय जोहार…. प्रदेश म कोरोना (corona) संक्रमित मरीज मन के संख्या ह कम होय के नाम नई लेवत हे। राज्य म मंगलवार के कोरोना (corona) संक्रमित 14 नवा मरीज के पहचान होय हे। रायपुर जिला ले सात, बलौदाबाजार ले तीन, राजनांदगांव ले 2 अऊ जांजगीर-चांपा-बेमेतरा ले एक-एक मरीज शामिल हे। जेखर भर्ती प्रक्रिया ह चलत हे।

ऊहचे आज 12 मरीज मन ह कोरोना (corona) ले जंग जीत गे हे। जे मन ल अस्पताल ले छुट्‌टी दे दे गे हे। डिस्चार्ज करे गे 12 मरीज म महासमुंद ले चार, मुंगेली ले 3, कबीरधाम, राजनांदगांव, रायपुर अऊ रायगढ़ ले एक-एक मरीज शामिल हे। छत्तीसगढ़ म संक्रमित मरीज मन के संख्या ह 1211 हो गे हे। जबकि सक्रिय मामले के संख्या ह 859 हो गे हे। ऊहचे 347 मरीज मन ह स्वस्थ होके अपन घर लहुट चुके हे।