corona : छत्तीसगढ़ के ए जिला म मिलिस कोरोना के 27 नवा मरीज, कोरोना संक्रमित मन के संख्या होइस 1300 ले जियादा

जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। बुधवार देर रात कोरबा जिला म कोरोना संक्रमित 27 नवा मरीज के पहचान होय हे। राज्य म अब कोरोना (corona) संक्रमित मरीज मन के संख्या ह 1300 ले जियादा हो गे हे।

जानकारी के अनुसार कोरबा म मिले सब्बो 27 नवा मरीज मन ह पहिले ले ही क्वारेंटाइन सेन्टर म रूके प्रवासी श्रमिक हे। जिला प्रशासन के मुताबिक कुदमुरा के क्वारेंटाइन सेन्टर म 10 अऊ जरवे के क्वारेंटाइन सेंट म 17 प्रवासी श्रमिक मन म कोरोना (corona) के पुष्टि होय हे। ए सब्बो श्रमिक मन ह महाराष्ट्र, जम्मू, ओड़िसा अऊ उत्तरप्रदेश ले कोरबा लहुटे रहिस।