corona : प्रदेश में देर रात होइस कोरोना के 16 नवा मरीज के पहचान, अब एक्टिव केस ह बाढ़ के 895

जय जोहार…. प्रदेश म कोरोना (corona) संक्रमित मरीज मन के संख्या ह कम होय के नाम नई लेवत हे। राज्य म शुक्रवार देर रात कोरोना (corona) के 16 नवा मरीज के पहचान होय हे। स्वास्थ्य विभाग ह एखर पुष्टि ल करे हे। शुक्रवार देर रात के जांजगीर ले 13, बलरामपुर ले 2 अऊ जशपुर ले एक मरीज मिले हे। एखर पहिले रात म 31 नवा मरीज के पुष्टि होय हे। एमा कोरबा ले 15, रायपुर ले 9, दुर्ग ले 8, बलौदाबाजार ले 2, राजनांदगांव अऊ धमतरी ले एक-एक मरीज शामिल रहिस।

वहीं शुक्रवार के 79 कोरोना (corona) मरीज मन ल स्वस्थ होय के बाद प्रदेश के अलग-अलग अस्पताल ले छुट्‌टी दे दे गिस। जेमा बलौदाबाजार ले 41, जशपुर ले 15, बेमेतरा ले 5, कोरबा अऊ मुंगेली ले 4-4, बालोद ले 3, धमतरी ले 2, गरियाबंद, महासमुंद, सरगुजा, राजनांदगांव अऊ दुर्ग ले एक-एक मरीज शामिल रहिस।