गरियाबंद जिला म 24 घंटा के भीतर मिलिस कोरोना के 6 नवा मरीज

जय जोहार…. गरियाबंद जिला म आज 24 घंटा के भीतर कोरोना संक्रमित 6 नवा मरीज के पहचान होय हे। गरियाबंद विकासखण्ड ले एक मरीज, देवभोग विकासखण्ड ले एक मरीज अऊ छुरा विकासखण्ड ले चार मरीज मिले हे। एखर पुष्टि ल सीएमएचओ एनआर नवरत्न ह करे हे।
मिली जानकारी के अनुसार गरियाबंद विकासखण्ड के बेहराबुड़ा गांव ले एक, देवभोग विकासखण्ड के बाड़ीगांव ले एक मरीज संक्रमित पाय गे हे। ऊहचे छुरा विकासखण्ड के चुरकीदादर, कामराज, सिवनी अऊ छुरा ले एक मरीज के पहचान होय हे। मामले की पुष्टि करत हुये सीएमएचओ एनआर नवरत्न ह बताइस कि सब्बो मरीज मन ल रायपुर रिफर करे के तैयारी सुरू कर दे गे हे।

बता देन कि राज्य शासन के स्वास्थ्य विभाग ह रेड, ऑरेंज अऊ ग्रीन जोन वाले विकासखंड के नवा सूची जारी करे हे। एमा गरियाबंद जिला के मैनपुर विकासखण्ड ल रेड जोन म शामिल करे गे हे। ऊहचे राजिम, छुरा, गरियाबंद अऊ देवभोग विकासखण्ड ल ऑरेंज जोन म शामिल करे गे हे।