छत्तीसगढ़ भाजपा ह अवइया दू दिन के अपन सब्बो कार्यक्रम ल करिन रद्द, गलवान वैली म शहीद जवान मन ल दिस श्रद्धांजलि

जय जोहार…. गलवान वैली म चीनी सैनिक मन के संग होइस झड़प म सेना के 20 जवान मन के शहादत म छत्तीसगढ़ भाजपा ह अपन श्रद्धांजलि दे हे।

शहीद जवान मन म कांकेर जिला के जवान गणेश राम कुंजाम घलो शामिल रहिस। जेन चीनी सैनिक मन के संग मुकाबला करत हुये शहीद हो गिस। भाजपा के राज्य संगठन ह अपन दू दिन के सब्बो कार्यक्रम ल रद्द कर दे हे।

प्रदेश अध्यक्ष विष्णुदेव साय ह कहिन कि कि ए दिन वर्चुअल रैली ह चलत हे। जिला संवाद कार्यक्रम के जरिये केन्द्र के मोदी सरकार के उपलब्धि के संगेसंग राज्य सरकार की असफलता ल ले के कार्यकर्ता मन के बीच पहुंचे जावत है। मौजूदा परिस्थिति के मद्देनजर फिलहाल वर्चुअल रैली समेत सब्बो कार्यक्रम ह अवइया दू दिन बर रद्द करे जावत हे।

साय ने कहिन कि मातृभूमि के रक्षा करत हुये हमर मन के बहादुर सैनिक मन के सर्वोच्च बलिदान ल हमेशा याद करे जाही। राष्ट्र ओखर ऋणी रही।