corona : बलौदाबाजार म मिलिस कोरोना के आठ नवा मरीज

जय जोहार…. बलौदाबाजार-भाटापारा जिला म शुक्रवार के कोरोना (corona) संक्रमित आठ नवा मरीज के पहचान होय हे। संक्रमित सब्बो मरीज ह लवन कालेज के क्वारेंटाइन सेन्टर म रहिस। मरीज मन म तीन महिला अऊ पांच पुरुष शामिल हे।

सर्विलेंस अफसर डॉ. राकेश प्रेमी ह बताइस कि सब्बो मरीज मन के इलाज ह मेकाहारा रायपुर म करे जाही। जिला मुख्यालय के कोविड अस्पताल म फिलहाल 50 मरीज मन के इलाज चलत हे। आज पाय गे आठ मरीज मन ल मिला के जिला म कोरोना (corona) संक्रमित मरीज मन के संख्या ह 202 हो गे हे। एमा ले 105 मरीज मन ह कोरोना (corona) ल मात दे दे हे अऊ अपन घर लहुट चुके हे। फिलहाल 97 मरीज़ मन के इलाज ह बलौदाबाजार अऊ रायपुर के अस्पताल मे चलत हे।