21 जिला के 95 ब्लाक ह रेड जोन म, सबले जियादा राजनांदगांव म हे रेड जोन

जय जोहार…. छत्तीसगढ़ के नवा रेड जोन, ऑरेंज जोन अऊ ग्रीन जोन के सूची जारी करे गे हे। पिछिली बार के तुलना म ए बार राज्य म रेड जोन के संख्या ह बाढ़ गे हे। प्रदेश म 21 जिला के 95 ब्लॉक ल रेड जोन म रखे गे हे। जबकि ऑरेंज जोन के संख्या ह सिरिफ 33 हे। जबकि आन ब्लाक ह ग्रीन जोन म हे।
स्वास्थ्य एवं परिवार कल्याण विभाग के ओर ले सोमवार को जारी सूची म राजनांदगांव के सबले जियादा 9 ब्लाक ह रेड जोन म हे। रायगढ़ अऊ जांजगीर-चांपा के 7-7 ब्लाक ह रेड जोन म हे। राजधानी रायपुर के चार ब्लॉक रायपुर शहर, आरंग, धरसींवा, अभनपुर अऊ तिल्दा ल रेड जोन म रखे गे हे। गरियाबंद जिला के मैनपुर, राजिम अऊ छुरा ब्लाक ह रेड जोन म हे। जबकि गरियाबंद अऊ देवभोग ह ऑरेंज जोन म हे।