जय जोहार…. प्रदेश कांग्रेस प्रवक्ता सुरेंद्र शर्मा ह पूछे हे कि पेट्रोल अऊ डीजल के दाम म एक रूपिया बाढ़ जाय म छाती पीटइया भाजपा ह आज कोरोना काल म रोज बाढ़ते पेट्रोल अऊ डीजल के दाम म चुप काबर हे। विगत 15 दिन ले पेट्रोल अऊ डीजल के दाम म 10 रूपिया ले जियादा हो गे हे।
प्रदेश कांग्रेस प्रवक्ता ह केन्द्र के सरकार चलावत भाजपा ले पूछे हे कि जब दुनिया म कच्चा तेल के दाम ह गिरत हे, त भारत म सरलघा वृद्धि ह काबर करे जावत हे।
देश के जनता ह आर्थिक समस्या ले पीड़ित हे, अइसे समय म राहत देने के जगह समर्थन देने के दण्ड काबर दे जावत हे।
वो हा कहिन कि डीजल के व्यापक उपयोग ह कृषि कार्य म होवत हे अऊ किसान के उत्पादन लागत घलो बाढ़त हे। डीजल महंगा होय ले मालभाड़ा घलो बाढ़ जावत हे अऊ आवश्यक वस्तु किराना, सब्जी, अनाज सबके दाम ह बाढ़ जावत हे। चौतरफा महंगाई के मार ह आम जनता म पड़त हे, जेखर बर मोदी सरकार ह जिम्मेदार हे।
Other Articles
corona: प्रदेश म फेर कोरोना के 29 नवा मरीज के होइस पहचान
