Corona: धमतरी जिला हो गे कोरोना ले मुक्त, आखिरी मरीज ह जीतिस कोरोना ले जंग, अस्पताल ह करिन डिस्चार्ज

जय जोहार…. धमतरी जिला ह अब कोरोना (corona) संक्रमण ले मुक्त हो गे हे। गुरुवार के आखिरी संक्रमित मरीज ह कोरोना ल मात दे दे हे। गुरुवार के भेलवाकुदा के संक्रमित मरीज ल स्वस्थ होय के बाद ताली बजाकर छुट्टी दे गिस।
मुख्य चिकित्सा एवं स्वास्थ्य अधिकारी डॉ डीके तुर्रे ह बताइस कि स्वस्थ होय के बाद कोरोना (corona) संक्रमित मरीज ल छुट्टी दे दे गे हे। अभी ओला 14 दिन आइसोलेशन म रहना होही। 14 दिन के दवाई दे दे गे हे।

संगेसंग भोजन के चार्ट घलो बता दे गे हे। अब तक के स्थिति म धमतरी जिला ह कोरोना ले मुक्त हो गे हे। एमा स्वास्थ्य विभाग के अधिकारी अऊ कर्मचारी मन के महत्वपूर्ण योगदान ह रहिस।
बता देन कि धमतरी जिला म अब तक आठ कोरोना (corona) ले संक्रमित मरीज ह पाय गे रिहिस। जेमा ले 6 मरीज ह स्वस्थ हो के अपन घर लहुट चुके हे। एक मरीज के बीमारी के सती मौत हो गे हे। भेलवाकुदा निवासी एम्स म गार्ड के पद म पदस्थ युवक ह कोरोना ले संक्रमित हो गे रिहिस।

जेला 14 जून के धमतरी के कोविड अस्पताल म भर्ती कराय गे रिहिस। पांचवें अऊ सातवें दिन सैंपल ले गिस, जेन ह निगेटिव आय हे। गुरुवार के एक बार जांच करे के बाद ओला छुट्टी दे दे गे हे।