जय जोहार…. बेमेतरा जिला के साजा विकासखण्ड के तहत ग्राम कमकावाड़ा म 14 साल के लईका ह कोरोना (corona) पाजिटिव मिले हे। अब तक साजा विकासखण्ड ह कोरोना (corona) वायरस संक्रमण के प्रभाव ले मुक्त रिहिस। अब विकासखण्ड के परपोड़ी क्षेत्र म घलो कोरोना ह दस्तक दे दे हे। कोरोना ले पुष्टि के बाद इलाका ल कन्टेनमेंट जोन घोसित करे जा चुके हे।
साजा विकासखण्ड चिकित्सा कार्यालय अउ बीएमओ अश्वनी वर्मा ले मिले जानकारी के अनुसार साजा विकासखण्ड के ग्राम कमकावाड़ा के एक लईका ल हर्निया के बीमारी रिहिस, जेखर बाद लईका ल इलाज बर अस्पताल म भर्ती कराय गे रिहिस।
जिहां लईका ह दस दिन ले भर्ती रिहिस। ए दौरान बच्चा ह कोरोना (corona) के चपेट म आ गिस। अस्पताल ले डिस्चार्ज ले पहिले लईका के सैम्पल ले गे रिहिस। जेला जांच बर भेजे गे रिहिस। रिपोर्ट ह आत ही लईका ल उपचार बर एम्स म भर्ती करे गे हे।
Other Articles
crpf 62वीं बटालियन ह केपी म करिन 650 पौधरोपण
