Corona: राजनांदगांव जिला म मिलिस कोरोना के 18 नवा मरीज, स्वास्थ्य विभाग ह करिन पुष्टि

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। राजनांदगांव जिला म आज कोरोना संक्रमित 18 नवा मरीज के पहचान होय हे। एमा ले 13 मरीज ह शहरी क्षेत्र अऊ पांच मरीज ह जिला के अलग-अलग विकासखंड ले हे।
आज जेन नवा मरीज मिले हे, ओमा  लखोली ले 8, गंज चौक ले 1, कंचनबाग ले 1, मेडिकल कालेज ले 3 मरीज शामिल हे। ऊहचे खैरागढ़ ले 2, मोहला अऊ मानपुर ले एक मरीज शामिल हे। एखर पुष्टि ल स्वास्थ्य विभाग ह करे हे। आजे मिले कोरोना (corona) के सब्बो नवा मरीज ल मेडकिल कालेज पेंड्री लाय के तैयारी करे जावत हे।
बता देन कि शुक्रवार के जिला म कोरोना (corona) के पांच नवा मरीज मिले रिहिस। जेमा चार मरीज ह शहरी क्षेत्र ले अऊ एक ग्रामीण क्षेत्र के मरीज ह शामिल रिहिस।