Corona: छत्तीसगढ़ म कोरोना ले संक्रमित 57 नवा मरीज के होइस पुष्टि, सक्रिय मामले ह होइस 652

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। प्रदेश म सनिच्चर के कोरोना संक्रमित 57 नवा मरीज के पहचान होय हे।
आज जेन कोरोना (corona) संक्रमित नवा मरीज मिले हे, ओमा राजनांदगांव ले 21, बलरामपुर ले 10, जाजंगीर ले 7, दुर्ग ले 5, रायगढ़ ले 4, महासमुंद अउ बलौदाबाजार ले 3-3, रायपुर ले 2, बिलासपुर अउ कवर्धा ले एक-एक मरीज शामिल हे।
बता देन कि प्रदेश म कोरोना (corona) संक्रमित कुल मरीज मन के संख्या ह 2602 हो गे हे। जेमा ले 1937 मरीज मन ल स्वस्थ होय के बाद डिस्चार्ज कर दे गे हे। ऊहचे 652 सक्रिय मरीज मन के अलग-अलग कोविड अस्पताल म इलाज जारी हे।