corona : छत्तीसगढ़ म फेर कोरोना के 44 नवा मरीज के होइस पुष्टि

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। इतवार के दोपहर तक प्रदेश म कोरोना संक्रमित 44 नवा मरीज ह मिले हे। एखर संग प्रदेश म सक्रिय मरीज मन के संख्या ह 704 हो गे हे।
इतवार के जेन कोरोना (corona) के 44 नवा मरीज ह मिले हे, ओमा राजनांदगांव ले 16, बिलासपुर अउ कवर्धा ले 7-7, दुर्ग अउ रायपुर ले 5-5, बलौदाबाजार ले चार मरीज शामिल हे। जे मन ल अस्पताल म भर्ती कराय के प्रक्रिया ह चलत हे।
बता देन कि सनिच्चर रात के घलो 8  कोरोना (corona) संक्रमित मरीज के पहचान होय रिहिस, जेमा राजनांदगांव ले चार, दुर्ग ले तीन अउ बलौदाबाजार ले एक मरीज शामिल हे। एखर पुष्टि ल राज्य कन्ट्रोल एंड कमांड सेन्टर ह करे हे।