दू मंत्री ल बनाय गे हे अधिकृत प्रवक्ता, सरकार ह जारी करिन आदेश

जय जोहार… कृषि मंत्री रविन्द्र चौबे अउ वन मंत्री मोहम्मद अकबर ह छत्तीसगढ़ सरकार के अधिकृत प्रवक्ता होही। मुख्यमंत्री भूपेश बघेल ह ए दुनो मंत्री ल राज्य सरकार के पक्ष रखे बर अधिकृत करे हे।

एखर पहिले घलो कैबिनेट समेत आन महत्वपूर्ण पहलु म राज्य सरकार के पक्ष ल ए दुनो मंत्री मन के तरफ ले रखे जावत रिहिस।
बता देन कि मध्यप्रदेश समेत कई राज्य म सरकार के अधिकृत प्रवक्ता मन के नियुक्त होवत हे। उहचे छत्तीसगढ़ म ए तरह के स्थिति नई रिहिस, भाजपा शासनकाल म घलो तीन मंत्री मन ल सरकार के पक्ष रखे बर अधिकृत करे गे रिहिस।