राजधानी म महंगाई ल ले के कांग्रेस ह करिन विरोध प्रदर्शन
जय जोहार…. महंगाई ल ले के सनिच्चर के रायपुर जिला कांग्रेस अउ ब्लाक कांग्रेस ह संयुक्त विरोध प्रदर्शन के आयोजन करे हे। ए अवसर म वक्ता मन ह कभी बैलगाड़ी ल ले के प्रदर्शन करइया भाजपा नेता मन म सवाल उठाए।
ए मउका म विधायक कुलदीप जुनेजा ह कहिन कि प्रदेश भर म बढ़ती महंगाई, पेट्रोल-डीजल अउ गैस के मूल्य म सरलघा वृद्धि ले जनता ह परेशान हे। वो हा कहिन कि जब केन्द्र म कांग्रेस के सरकार रिहिस, त भाजपा नेता बैलगाड़ी म साइकिल चला के गिरे के नाटक कर विरोध प्रदर्शन करत रिहिस।
उस समय कीमत म एक-दू रूपिया के बढ़ोतरी होवत रिहिस, लेकिन वर्तमान म 10-12 रूपिया पेट्रोल-डीजल दुनो म वृद्धि होय हे।
जब तक बढ़ती महंगाई म लगाम नई लगही, तब तक कांग्रेस अउ ओखर अलग-अलग संगठन ह सरलघा विरोध करत रही। ए दौरान जिला अउ ब्लाक कांग्रेस के पदाधिकारी अउ कार्यकर्ता ह मौजूद रिहिस।