Corona: राजधानी म फेर मिले हे कोरोना के 27 नवा मरीज, सक्रिय मामले ह बाढ़ के हो गे 181
जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। आज राजधानी म फेर कोरोना के 27 नवा मरीज मन के पहचान होय हे।
स्वास्थ्य विभाग के मुताबिक कोरोना (corona) के नवा मरीज मन म पेड क्वारेंटाइन सेन्टर रहत रहिन चार लोग, एक इश्योरेंस कंपनी के कर्मचारी, एक ड्राइवर, एक दर्जी, एक बावर्ची, तीन हेल्थ वर्कर, कोचिंग सेंटर म काम करइया कर्मचारी, जिला शिक्षा विभाग के कर्मचारी ह शामिल हे। आज पाजिटिव पाय गे सब्बो मरीज मन ल अस्पताल म भर्ती करे के प्रक्रिया ह चलत हे।
बता देन कि राजधानी म कोराना (corona) संक्रमित मरीज मन के संख्या ह 404 हो गे हे। जेमा ले सक्रिय मरीज मन के संख्या ह 181 हे। ऊहचे 211 मरीज मन ह स्वस्थ होय के बाद अपन घर लहुट चुके हे। ए वायरस ले राजधानी म अब तक दू लोगन मन के मौत हो गे हे।