Corona: छत्तीसगढ़ म कोरोना के 68 नवा मरीज मन के होय हे पहचान, रायपुर जिला म घलो 27 संक्रमित
जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। राज्य म आज 68 नवा मरीज मन के पुष्टि होय हे।
ऊहचे 112 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। आज जेन कोरोना (corona) के नवा मरीज मिले हे,
ओमा रायपुर जिला ले 27, बेमेतरा ले 9, नारायणपुर ले 8, जांजगीर-चांपा ले 7, बिलासपुर ले 5, रायगढ़ अउ दंतेवाड़ा ले 3-3, सरगुजा, कोरिया अउ जगदलपुर ले 2-2 मरीज शामिल हे।
आज मिले सब्बो संक्रमित मरीज मन ल अस्पताल म भर्ती के प्रक्रिया ह चलत हे। बता देन कि राज्य म कोरोना (corona) मरीज मन के संख्या ह 3133 हो गे हे। जेमा सक्रिय मामले ह 593 हे।
प्रदेश म अब तक 2526 मरीज मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायर से प्रदेश म अब तक 14 लोगन मन के जान चले गे हे।
