Corona: बीजापुर म महिला अउ बाल विकास अधिकारी ह कोरोना संक्रमित, सक्रिय मामले ह बाढ़ के होइस चार

जय जोहार…. छत्तीसगढ़ के बीजापुर जिला म कोरोना (corona) संक्रमित मरीज मन के संख्या ह बाढ़ के 5 हो गे हे। जिला के महिला अउ बाल विकास अधिकारी अउ एक मजदूर के आरटीपीसीआर रिपोर्ट ह पाजिटिव आय हे।  एखर पुष्टि ल कलेक्टर रितेश अग्रवाल ह करे हे।
एति महिला अधिकारी के कोरोना (corona) पाजिटिव आय के बाद कार्यालय के कर्मचारी मन ह स्वयं क्वारेंटाइन कर ले हे। ये महिला अधिकारी ह कुछु दिन पहले बिलासपुर ले लहुटे रिहिस।

ऊहचे भैरमगढ़ के मंगलनार म मिले संक्रमित मरीज ह तेलंगाना ले लहुटे रहिस। एखर घलो आरटीपीसीआर रिपोर्ट ह पाजिटिव आय हे। एखर पुष्टि ल सीएमएचओ डॉ. बीआर पुजारी ह करे हे।
बता देन कि बीजापुर जिला म कोरोना (corona) के कुल संक्रमित मरीज ह पांच हो गे हे। जेमा ले एक मरीज ह बने होय के बाद डिस्चार्ज कर दे गे हे। जबकि चार सक्रिय मरीज मन के इलाज चलत हे।