corona मरीज मिले के बाद ए क्षेत्र ह होइस कन्टेनमेंट जोन घोसित, पढो पूरा खबर
जय जोहार…. गरियाबन्द जिला के छुरा विकासखण्ड के ग्राम भैसामुड़ा म कोरोना (corona) पाजिटिव मरीज मिले के बाद संबंधित क्षेत्र ल कलेक्टर छतर सिंह डेहरे ह कन्टेनमेंट जोन घोसित करे हे।
अवइया आदेश तक कन्टेनमेंट जोन के चिन्हित क्षेत्र के अंतर्गत सब्बो दुकान अउ आन वाणिज्यिक संस्था ह बंद रही।
प्रभारी अधिकारी के तरफ ले घर पहुंचा सेवा ले आवश्यक वस्तु मन के आपूर्ति ल उचित दर म सुनिश्चित करे जाही। सब्बो वाहन के आवागमन ह पूर्ण प्रतिबन्ध रही।
मेडिकल इमरजेंसी ल छोड़ के आन कोनो सती घर ले बाहर निकलना ह प्रतिबंधित रही।
कोरोना(corona) संक्रमित मिले के बाद छुरा विकासखण्ड के ग्राम भैसामुड़ा के पूर्व दिशा म बड़का झाड़ के जंगल, पश्चिम दिशा म पक्की सड़क कोसमी दुल्ला-सारागांव मार्ग, उत्तर म दशरथ के खेत अउ दक्षिण म कृष्णा बाई के खेत ल कन्टेनमेंट जोन घोसित करे गे हे। ऊहचे तीन किलोमीटर के दायरा ल बफर जोन घोसित करे गे हे।