Corona: प्रदेश म कोरोना के 146 नवा मरीज के होइस पुष्टि, राजधानी म घलो 56 संक्रमित
जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। प्रदेश म गुरुवार के कोराना के 146 नव मरीज मन ह मिले हे। जेमा रायपुर जिला म सबले ज्यादा 56 मरीज शामिल हे।
एखर आलावा नारायणपुर म 38, बीजपुर म 13, कोरबा म 9, सरगुजा म 6, बलरामपुर अउ बिलासपुर म 5-5, जांजगीर चांपा म 3, दंतेवाड़ा, कांकेर अउ बेमेतरा म 2-2, दुर्ग, राजनांदगांव, कवर्धा, सूरजपुर अउ जशपुर म एक-एक मरीज मिले हे।
राज्य कन्ट्रोल एंड कमांड सेन्टर ले जारी आकड़ा के मुताबिक छत्तीसगढ़ म अब कोरोना (corona) संक्रमित मन के संख्या ह 3679 हो गे हे। जेमा ले एक्टिव मामले के संख्या ह 761 पहुंच गे हे।
ऊहचे राज्य में अब तक 2903 मरीज मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे।