Corona: प्रदेश म फेर कोरोना के 65 नवा मरीज के होइस पहचान, राजधानी म सबले जियादा 36 संक्रमित

जय जोहार…. प्रदेश म कोरोना (corona) मरीज मन के संख्या ह कम होय के नाम नई लेवत हे। प्रदेश म सनिच्चर के कोरोना के 65 नवा मरीज के पहचान होय हे। ऊहचे 42 मरीज ह कोरोना ल मात दे दे हे। जेखर बाद ओ मन ल अस्पताल ले डिस्चार्ज कर दे गे हे।

आज जेन कोरोना (corona) के नवा मरीज ह मिले हे, ओमा रायपुर ले 36, बस्तर ले 9, कोरिया ले 4, सरगुजा ले 3, कोरबा अउ नारायणपुर ले 2-2, कांकेर, धमतरी अउ दुर्ग ले एक-एक मरीज शामिल हे।

बता देन प्रदेश म कोरोना (corona) संक्रमित मरीज मन के कुल संख्या ह 3897 पहुंच गे हे। जेमा ले एक्टिव मामले ह 810 हे। ऊहचे 3070 मरीज मन ह बने होय के बाद अपन घर लहुट चुके हे। ए वायरस ले प्रदेश म अब तक 17 लोगन मन के मौत हो गे हे।