Corona: छत्तीसगढ़ म दिन भर म मिले हे कोरोना के 128 नवा मरीज, रायपुर म सबले जादा 88 पाजिटिव

जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। प्रदेश म इतवार के दिन भर म कोरोना के 128 नवा मरीज मन के पहचान होय हे। जेमा ले रायपुर जिला ले सबले जादा 88 मरीज ह मिले हे। ऊहचे देर रात के 34 नवा मरीज मिले रिहिस।

स्वास्थ्य विभाग से जानकारी के मुताबिक आज जेन कोरोना (corona) के नवा मरीज ह मिले हे, ओमा रायपुर ले 88, जांजगीर-चांपा ले 17, कांकेर ले 9, बस्तर, कोरिया अउ नारायणपुर ले 3-3, बिलासपुर ले 2, रायगढ़, बलौदाबाजार अउ कबीरधाम ले एक-एक मरीज मिले हे।

ऊहचे आज कोरोना (corona) संक्रमित एक मरीज के मौत हो गे हे। रायपुर के मेकाहारा अस्पताल म भर्ती मरीज ल कोनो आन बीमारी सती ले अस्पताल म भर्ती कराय गे रिहिस। जिहां डॉक्टर मन ह ऐहितियान ओखर टेस्ट कराय रिहिस, जेमा ओखर रिपोर्ट ह पाजिटिव आय रिहिस।