Corona: देश म एक दिन म कोरोना के बाढ़ीस 28 हजार ले जादा मरीज, 500 लोगन मन के हो गे मौत

जय जोहार…. देश म कोरोना (Corona) संक्रमण के मामले ह थमे के नाम नई लेवत हे। देश म कोरोना संक्रमित मरीज मन के संख्या ह 8.78 लाख ले जादा हो गे हे।

पिछले 24 घंटा म रिकॉर्ड 28 हजार ले जादा मामले ह सामने आय हे। ए दौरान 500 लोगन मन के मौत हो गे हे।
केंद्रीय स्वास्थ्य अउ परिवार कल्याण मंत्रालय के तरफ ले जारी आंकड़े के अनुसार देश म कोरोना (Corona) के कुल संक्रमित मन के संख्या ह 8 लाख 78 हजार 254 पहुंच गे हे। जेमा ले सक्रिय मामले ह 3 लाख 1 हजार 609 हे।

ऊहचे पांच लाख 53 हजार 471 लोगन मन ह कोरोना ल मात दे दे हे, जेखर बाद ओ मन ल अस्पताल ह डिस्चार्ज कर दे हे। ए वायरस ले देश म अब तक 23174 लोगन मन के जान चले गे हे।

कोरोना संक्रमण ले सबले जादा प्रभावित राज्य महाराष्ट्र हे। इहां पिछले 24 घंटा म कोरोना (Corona) संक्रमण के 7827 नवा मामले आय हे।

ए राज्य म संक्रमित मन के संख्या ह 2 लाख 54 हजार 427 हो गे हे। ऊहचे 10289 लोगन मन के मौत हो गे हे।