Corona: देश म पिछले 24 घंटा म बाढ़ीस कोरोना के 28498 नवा मरीज, 553 लोगन मन के होइस मौत

जय जोहार…. देश म कोरोना (corona) संक्रमित मरीज मन के संख्या ह सरलघा बाढ़त जावत हे। देश म कोरोना संक्रमित मन के कुल संख्या ह 9 लाख ले जादा हो गे हे।

पिछले 24 घंटा म कोरोना के 28498 नवा मरीज मन के पहचान होय हे। ए दौरान 553 लोगन मन के मौत हो गे हे। ऊहचे 17988 मरीज मन ल बने होय के बाद डिस्चार्ज कर दे गे हे।

केन्द्रीय स्वास्थ्य मंत्रालय के आंकड़े के अनुसार देश म कोरोना (corona) वायरस के कुल मामले के संख्या ह 9 लाख 6 हजार 752 पहुंच गे हे। जेमा ले सक्रिय मामले ह 3 लाख 11 हजार 565 हे।

ऊहचे 5 लाख 71 हजार 460 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले अब तक देश म 23727 लोगन मन के मौत हो गे हे।