Corona: धमतरी म फेर मिलिस कोरोना के 2 नवा मरीज, एक्टिव केस ह बाढ़ के होइस 12

जय जोहार…. धमतरी जिला म आज कोरोना (corona) संक्रमित दू अउ नवा मरीज के पहचान होय हे। जेन नवा मरीज मिले हे, ओखर निवास रेस्ट हाउस के पास बतावत जावत हे। दुनो कोरोना (corona) संक्रमित के पुष्टि होय के बाद पुलिस अउ स्वास्थ्य विभाग के टीम ह मरीज के घर पहुंच गे हे अउ दुनो ल रायपुर एम्स ले जाय के तैयारी ह चलत हे। संगेसंग दुनो मरीज के घर ल सील घलो करे जाही।
बता देन कि धमतरी जिला म अब तक कोरोना (corona) संक्रमण के 21 मामले ह सामने आ चुके हे। जेमा ले सक्रिय मरीज मन के संख्या ह बाढ़ के 12 हो गे हे। ऊहचे आठ मरीज मन ह कोरोना ले जंग जीत गे हे, जेखर बाद ओ मन ल डिस्चार्ज कर दे गे हे। ए वायरस ले जिला म एक मरीज के मौत हो गे हे।