का अइसने बेवस्था बर मिलिस हे सफाई के प्रमाण पत्र

नवनीत शुक्ला, मुंगेली। नगर के सफाई के मामला म नगरपालिका के जागरूकता बर तव जतका कहव कम हे । स्वछता के मामला म नगर के अधिकांश वार्ड ह तो अतका आगू हे कि नाली के पानी ह घर म घुसथे । पर पालिका द्वारा य के पार्षद द्वारा कोई खास पहल नही देखे बर मिलत हे ।
अभी जब बरसात ठीक ले शुरू नई होय हे तब तव घर म नाली के पानी भरत हे। सावन भादो महीना म का होही । हर साल सफाई बर लाखो रुपिया खर्चा किये जाथे । पर मुंगेली म कई अइसन जगह हे जहाँ सफाई के नामोनिशान तक नई हे। हर तरफ जब बरसात होथे तव नाली जाम होय के कारण नाली के पानी सड़क म आ जाथे । चाहे गोल बाजार हो, सोनार पारा, पाठक पारा, पुराना बस स्टैंड, हर तरफ यही दिखाई देथे। अइसन म जेन सफाई व्यवस्था पर नगर पालिका के मुखिया ह प्रमाणपत्र ले है वो तो अब सिर्फ़ कागजी ही लगत हे। वार्डवासी मन के कहिना हे के ” हर तरफ गंदगी के आलम हे । नाली के सफाई के नाम म ढक्कन खोल के रख दिये गे हे । जेमा छोटे छोटे लइकन मन गिरत हे । ” राहुल कुर्रे ,सहर उपाध्यक्ष कांग्रेस कमेटी मुंगेली ह ये मामला ं कहिन के  सफाई के नाम म केवल खाना पूर्ति करे जाथे। नगर पालिका द्वारा नाली के सफाई केवल ऊपरी तौर म किये जाथे । जेखर कारण बरसात म नाली के गंदगी ह सड़क ऊपर आ जाथे ।