Corona: बिलासपुर के ए थाना हो गे सील, अब हिर्री थाना ले होही कार्य

जय जोहार…. बिलासपुर शहर म कोरोना (corona) संक्रमण के मामला ह कम होय के नाम नई लेवत हे। शहर के चकरभाटा थाना म पदस्थ पुलिसकर्मी के परिजन के रिपोर्ट ह कोरोना पाजिटिव आय हे। जेखर बाद चकरभाटा थाना ल सील कर दे गे हे।
पुलिस अधीक्षक ह ए थाना म पदस्थ सब्बो अधिकारी अउ कर्मचारी मन के कोरोना (corona) वायरस जांच कराय के निर्देश दे हे। एखर संग अवइया आदेश तक चकरभाटा थाना के सब्बो कार्य ल हिर्री थाना ले करे जाय के निर्देश दे हे।
बता देन कि गुरुवार के प्रदेश म कोरोना (corona) के 197 नवा मामला मिले हे। एखर संग प्रदेश में कोरोना संक्रमित मरीज मन के कुल संख्या ह 4754 पहुंच गे हे। जेमा ले सक्रिय मामला ह 1282 हे। ऊहचे 3451 लोगन मन ह कोरोना ल मात दे के अपन घर लहुट चुके हे।