Raipur म सब इंस्पेक्टर ह कोरोना पाजिटिव, कबीरनगर थाना हो गे सील

जय जोहार…. राजधानी रायपुर (raipur) म कोरोना संक्रमण ह सरलघा बाढ़त जावत हे। रायपुर के कबीर नगर थाना के सब इंस्पेक्टर ह कोरोना संक्रमित पाय गे हे। एखर बाद कबीर नगर थाना ल सील कर दे गे हे।
जानकारी के मुताबिक (raipur) संक्रमण के लक्षण ह दिखे के बाद कोरोना टेस्ट कराय गे रिहिस, जेमा रिपोर्ट ह पाजिटिव आय हे। एखर बाद थाना ल सील कर दे गे हे। ऊहचे (raipur) थाना प्रभारी समेत सब्बो स्टाफ के कोरोना जांच कराय जाही। जब तक कबीर नगर थाना ह सील रही, तब तक आमानाका थाना के पुलिस कर्मी ह इहां के कामकाज ल देखही।
बता देन कि राजधानी रायपुर म अब तक पांच थाना ल कोरोना के चपेट म आय के सती सील करे जा चुके हे। जेमा तेलीबांधा थाना, आजाद चौक, मंदिर हसौद, पुरानी बस्ती अउ कबीरनगर थाना शामिल हे।