Corona: देश म एक दिन म बाढ़ीस कोरोना के सबले जादा 38902 नवा मरीज

जय जोहार…. देश म कोरोना (corona) संक्रमित मरीज मन के संख्या ह सरलघा बाढ़त जावत हे। देश म बीते 24 घंटा म कोरोना के रिकॉर्ड 38 हजार ले जादा नवा मामला के पहचान होय हे। ए दौरान 543 लोगन मन के जान चले गे हे।
केंद्रीय स्वास्थ्य मंत्रालय ले जारी आंकड़ा के मुताबिक देश म अब कोरोना (corona) के कुल संक्रमित मरीज मन के संख्या ह 10 लाख 77 हजार 618 हो गे हे।

जेमा ले सक्रिय मामला ह 3 लाख 73 हजार 379 हे। ऊहचे 6 लाख 77 हजार 423 लोगन मन ह कोरोना (corona) ल मात दे दे हे, जेखर बाद ओ मन ल अलग-अलग कोविड अस्पताल ले डिस्चार्ज कर दे गे हे। ए वायरस ले अब तक 26816 लोगन मन के मौत हो गे हे। देश म बीते 24 घंटा में 38902 नवा मामला दर्ज करे गे हे।