Corona: देश म 24 घंटा म कोरोना के 40 हजार ले जादा नवा मरीज

जय जोहार…. देश म कोरोना (corona) संक्रमित मरीज मन के संख्या ह कम होय के नाम नई लेवत हे। बीते 24 घंटा म कोरोना के 40 हजार ले जादा नवा मामला सामने आय हे। ए दौरान 681 लोगन मन के मौत हो गे हे।
स्वास्थ्य मंत्रालय ले जारी आंकड़ा के मुताबिक देश म अब कोरोना (corona) संक्रमित मरीज मन के कुल संख्या ह 11 लाख 18 हजार 43 पहुंच गे हे। जेमा ले 3 लाख 90 हजार 459 सक्रिय मामला हे। ऊहचे 7 लाख 87 लोगन मन ह कोरोना ल मात दे दे हे, जेखर बाद ओ मन ल अलग-अलग कोविड अस्पताल ले डिस्चार्ज कर दे गे हे। ए वायरस ले अब तक देश म 27497 लोगन मन के मौत हो गे हे। बता देन कि पिछिले 24 घंटा में देश में कोरोना (corona) के 40425 नवा मामला दर्ज करे गे हे।