लॉकडाउन म कालाबाजारी बर्दाश्त नई करे जाही , किहिस रायपुर के कलेक्टर ह

जय जोहार रायपुर… २१ जुलाई ले २८ जुलाई तक रायपुर नगर निगम अऊ बिरगाँव नगर निगम के पूरा क्षेत्र ल कंटेंटमेंट जोन घोषित कर दे गे हे , एखर मद्देनजर सात दिन के पूर्ण लॉकडाउन करे के निर्णय जिला प्रशासन ह करे हे , काली जिला कलेक्टर भारतीदासन अऊ एसपी अजय यादव ह प्रेस कांफ्रेंस के माध्यम ले ये जानकारी दिस , ओमन ह किहिस कि पिछला लॉक डाउन म खाद्य सामग्री के बिक्री म कालाबाजारी के शिकायत मिले रिहिस लेकिन ये बार कालाबाजारी बर प्रशासन सख्त नजर आत हे , कलेक्टर अऊ एसपी ह साफ़ कर दे हे कि कालाबाजारी के शिकायत म तुरते कार्यवाही होही अऊ दूकान ल सील करे जाही.