Mamta Chandrakar ल मिलिस अहम जिम्मेदारी, अब सम्हालही संगीत विश्वविद्यालय खैरागढ़ के कुलपति के पद

जय जोहार…. पदमश्री ले सम्मानित लोक गायिका ममता चंद्राकर (Mamta Chandrakar) ल इंदिरा कला संगीत विश्वविद्यालय, खैरागढ़ के कुलपति नियुक्त करे गे हे। एखर नियुक्ति ल राज्यपाल अउ कुलाधिपति अनुसूईया उइके ह करे हे।

राज्यपाल उइके ह ममता चन्द्राकर (Mamta Chandrakar) ल बधाई अउ शुभकामना देवत हुये आशा व्यक्त करे हे कि वे इंदिरा कला संगीत विश्वविद्यालय खैरागढ़ के नाम ल अउ उंचाई तक ले जाही।

ए नियुक्ति ल इंदिरा गांधी कला संगीत विश्वविद्यालय अधिनियम 1956 (छत्तीसगढ़ संशोधन अधिनियम) के धारा 52 के उपधारा (7) म प्रदत्त शक्ति के प्रयोग करत हुये राज्यपाल अउ कुलाधिपति अनुसूईया उइके ह करे हे।

लोक गायिका ममता चंद्राकर (Mamta Chandrakar) के कार्यकाल अउ सेवा शर्त ह विश्वविद्यालय अधिनियम अउ परिनियम म निहित प्रावधान के अनुसार होही।