Corona ह तोड़िस रिकॉर्ड, देश म एक दिन म बाढ़ीस 45 हजार ले जादा नवा मरीज

जय जोहार…. देश म कोरोना ( corona) संक्रमित मरीज मन के संख्या ह सरलघा बाढ़त जावत हे। पिछिले 24 घंटा म रिकॉर्ड 45720 नवा मामला ह सामने आय हे। जबकि 1129 लोगन मन के मौत हो गे हे।
केन्द्रीय स्वास्थ्य मंत्रालय ले जारी आंकड़ा के अनुसार देश म अब कोरोना (corona) संक्रमित मरीज मन के संख्या ह 12 लाख 38 हजार 635 पहुंच गे हे। जेमा ले सक्रिय मामला ह 4 लाख 26 हजार 635 हो गे हे। उहचे 7 लाख 82 हजार 607 लोगन मन ह कोरोना (corona) ल मात दे के अपन घर लहुट चुके हे। ए वायरस ले अब तक 29861 लोगन मन के मौत हो गे हे।