Corona: जेखर म कोरोना के कम लक्षण, ओखर घर म ही इलाज, कलेक्टर ह जारी करिन नवा दिशा-निर्देश

जय जोहार…. रायपुर जिला म कम लक्षण वाला कोरोना(corona) संक्रमित मरीज मन के इलाज ह अब घर म होही। कोरोना संक्रमित मरीज मन के इलाज के संबंध म रायपुर कलेक्टर ह एक दिशा-निर्देश जारी करे हे।

एमा केहे गे हे कि दुर्ग जिला के संग अब रायपुर म घलो पायलट माडल म कोरोना (corona) पाजिटिव पाय गे सी कैटेगरी के मरीज मन ल आइसोलेशन के अनुमति प्रदान करे गे हे।

होम आइसोलेशन बर मरीज के घर म अलग हवादार कमरा, अलग शौचालय होय म ही ओला होम क्वारेंटाइन के अनुमति दे जाही। एखर बर निर्धारित प्रपत्र म मरीज अंडरटेकिंग के व्यवस्था ल सुनिश्चित करे जाही।

(corona) होम आइसोलेसन के अवधि के दौरान जिला स्वास्थ्य विभाग के तरफ ले नियुक्त कर्मी ह रोजाना मरीज के स्वास्थ्य के जानकारी ल फोन ले लेही।

मरीज ल सांस ले म कठिनाई, सीना म सरलघा दर्द, चेहरा म नीला पड़े समेत सबो सूचना प्राप्त होय पर तुरंत ओला हास्पिटल ले जाय के जिम्मेदारी जिला प्रशासन के होही।