Corona: छत्तीसगढ़ म फेर मिले हे कोरोना के 249 नवा मरीज, रायपुर म सबले जादा 123 संक्रमित

जय जोहार…. छत्तीसगढ़ म कोरोना (Corona) संक्रमित मरीज मन के संख्या ह सरलघा बाढ़त जावत हे। प्रदेश म आज कोरोना के 249 नवा मरीज मिले हे।

उहचे 116 मरीज मन ह कोरोना ले जंग जीत गे हे, जेखर बाद ओ मन ल अलग-अलग कोविड अस्पताल ले डिस्चार्ज कर दे गे हे। जबकि इलाज के दौरान संक्रमित तीन लोगन मन के मौत हो गे हे।

आज जेन कोरोना (Corona) के नवा मरीज ह मिले हे, ओमा रायपुर ले 123, दुर्ग ले 47, बिलासपुर ले 17, कांकेर ले 13, जांजगीर ले 12, बस्तर ले 11, कोंडागांव ले 6, रायगढ़, बलौदाबाजार, राजनांदगांव अउ जशपुर ले 4-4, कवर्धा ले 2, कोरबा अउ नारायणपुर ले एक-एक मरीज शामिल हे।

बता देन कि प्रदेश म कोरोना (Corona) संक्रमित मरीज मन के कुल संख्या ह 7087 पहुंच गे हे। जेमा ले एक्टिव मरीज मन के संख्या ह 2365 हे।

उहचे 4683 लोगन मन ह बने होय के बाद अपन घर लहुट चुके हे। ए वायरस ले अब तक प्रदेश म 39 लोगन मन के जान चले गे हे।