जय जोहार…. राज्यसभा सांसद (rajya sabha mp) रामविचार नेताम ह मुख्यमंत्री भूपेश बघेल ल पत्र लिखे हे। एमा सांसद नेताम ह जिला बलरामपुर-रामानुजगंज म जल संसाधन विभाग के तरफ ले साल 2007 म स्वीकृत खुटपाली व्यपवर्तन योजना के निर्माण म व्यापक भ्रष्टाचार होय के बात केहे हे। (rajya sabha mp) ए मामला म उच्चस्तरीय जांच अउ दोषी अधिकारी अउ आन संबंधित के खिलाफ एफआईआर दर्ज कर कार्रवाई के मांग करे हे।
राज्यसभा सांसद (rajya sabha mp) नेताम ह पत्र म लिख हे ए योजना के ड्राइंग डिजाइन ह सुरु ले ही गलत अउ एलाइनमेंट ह सही नई हे। पहाड़ के कटिंग कर नहर ल निकाले के योजना ह सुरु ले गलत अउ अव्यवहारिक हे। एखर ले जल संसाधन विभाग के इंजीनियर मन के कार्यकुशलता म प्रश्नचिन्ह लगत हे। ये परियोजना सुरु ले ही विवादित रहे हे। एखर संग परियोजना विभागीय अधिकारी मन बर चारागाह अउ भ्रष्टाचार के अड्डा बने हे।
