Corona: देश म कोरोना संक्रमित मरीज मन के संख्या ह 15 लाख ले जादा, पिछिले 24 घंटा म 48 हजार ले जादा नवा मरीज

जय जोहार…. देश म कोरोना (corona) संक्रमित मरीज मन के संख्या ह सरलघा बाढ़त जावत हे। देश म कोरोना के कुल मामला ह 15.31 लाख ले जादा हो गे हे।

पिछिले 24 घंटा म कोरोना के 48 हजार ले जादा नवा मामला ह सामने आय हे।  उहचे 35286 लोगन मन ल बने होय के बाद डिस्चार्ज कर दे गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म कोरोना (corona) संक्रमित मरीज मन के कुल संख्या ह 15 लाख 31 हजार ले जादा गे हे। जेमा ले 5 लाख 9 हजार 447 एक्टिव मामला हे।

उहचे 9 लाख 88 हजार 29 मरीज मन ह कोरोना (corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले अब तक देश म 34193 लोगन मन के जान चले गे हे।