chhattisgarh: घर बइठे ही परीक्षा देही ए बार कालेज अउ विश्वविद्यालय के अंतिम वर्ष के छात्र, सरकार ह जारी करिन आदेश
जय जोहार…. छत्तीसगढ़ (chhattisgarh) के विश्वविद्यालय अउ महाविद्यालय म शिक्षा सत्र 2019-20 के अंतिम वर्ष अउ अंतिम सेमेस्टर के सबो विषय के परीक्षा ल आनलाइन आयोजित करे जाही। ए संबंध म राज्य सरकार के उच्च शिक्षा विभाग के तरफ ले आदेश जारी कर दे गे हे।
एखर तहत यूजीसी के तरफ ले जारी निर्देश के पालन म विद्यार्थी मन ल प्रश्नपत्र आनलाइन म भेजे के निर्णय ले गे हे। (chhattisgarh) कोरोना कोविड 19 महामारी के संक्रमण ल देखत हुये राज्य शासन के उच्च शिक्षा विभाग ह ए निर्णय ले हे।
निर्णय ले गे हे कि प्रश्न के उत्तर घर म ही लिखे के समय-सीमा के संग उत्तर भेजे के अंतिम तिथि ल निर्धारित करे जाये। निर्धारित आखिरी तिथि तक विद्यार्थी मन ल उत्तर पुस्तिका आनलाइन अथवा परीक्षा केंद्र म स्पीड पोस्ट करे के विकल्प दे जाये। प्रेषित उत्तरपुस्तिका के पावती विद्यार्थी अपन पास सुरक्षित रखही।
(chhattisgarh) कोनो सती परीक्षा म सम्मिलित होय ले वंचित अथवा जारी परीक्षाफल ले असंतुष्ट विद्यार्थी मन ल परीक्षा म बइठने के एक अतिरिक्त अवसर दे जाये। एखर बर स्थिति ह सामान्य होय पर विश्वविद्यालय के तरफ ले विशेष परीक्षा के आयोजन के व्यवस्था करे जाये।
