डॉ. रमन सिंह ह पूरा करिन छेरा पहरा के रस्म …. फेर खेंचिन महाप्रभु के रथ…जयघोष ले गूंज उठीस राजधानी
रायपुर । भगवान जगन्नाथ के जयघोष ले पूरा नगर गूंज उठीस। शनिवार भगवान जगन्नाथ के रथयात्रा निकाले गिस। मुख्यमंत्री रमन सिंह ह राजधानी के गायत्री नगर म जगन्नाथ मंदिर म छेरापहरा के रस्म अदा कर के सोना के झाड़ू ले बहारिस । येकर बाज महाप्रभु जगन्नाथ के रथ खेंच के रथयात्रा के सुरुआत करिन।
सीएम रमन सिंह परिवार समेत रथयात्रा म सामिल होइन। उमन ह झाडू बुहारी करिन। संगे- संग भगवान जगन्नाथ, बलभद्र अउ माता सुभद्रा के आरती अउ पूजन कर रथयात्रा के सुरुआत करिन। ये मउवका म बड़े संख्या म श्रद्धालु मवजूद रहिन हे। रथ के रस्सी ल खेंचे बर श्रद्धालु मन के हुजूम उमड़ पड़िस। ये बेरा म भाजपा प्रदेश अध्यक्ष धरमलाल कौशिक, विधानसभा अध्यक्ष गौरीशंकर अग्रवाल, धर्म व न्यास मंत्री बृजमोहन अग्रवाल, मंत्री राजेश मूणत, विधायक श्रीचंद सुंदरानी, महापौर प्रमोद दुबे समेत बीजेपी अउ कांग्रेसी नेता मन ह रथयात्रा म सामिल होके रथ खेंचिन।
