Corona: केंद्रीय मंत्री धर्मेंद्र प्रधान घलो कोरोना पाजिटिव

जय जोहार…. केन्द्रीय पेट्रोलियम मंत्री धर्मेंद्र प्रधान म कोरोना (corona) पाजिटिव के पहचान होय हे। ओला मेदांता म भर्ती कराय गे हे, जिहां ओखर इलाज चलत हे। आज वो हा ट्वीट कर जानकारी दे हे।

जानकारी के मुताबिक कोरोना (corona) लक्षण दिखे के बाद केंद्रीय मंत्री धर्मेंद्र प्रधान ह टेस्ट कराय रिहिस, जेखर रिपोर्ट ह आज पाजिटिव आय हे।

धर्मेंद्र प्रधान ह ट्वीट कर बताइस कि कोरोना (corona) के लक्षण दिखे म मे हा टेस्ट करवाय रहेव, जेमा मोर रिपोर्ट ह पाजिटिव आय हे। डॉक्टर मन के सलाह म मे हा अस्पताल म भर्ती हों।