corona: प्रदेश म देर रात होय हे कोरोना के 93 नवा मरीज के पहचान, एक्टिव मामला ह बाढ़ के 2520

जय जोहार…. प्रदेश म कोरोना (corona) संक्रमित मरीज मन के संख्या ह कम होय के नाम नई लेवत हे।

राज्य म मंगलवार देर रात कोरोना के 93 नवा मरीज के पुष्टि होय हे। एखर संग मंगलवार के राज्य म कोरोना के कुल 373 मरीज ह मिले हे।

देर रात जेन कोरोना (corona) के 93 नवा मरीज के पहचान होय हे, ओमा रायपुर ले 50, दुर्ग ले 13, राजनांदगांव ले 10, महासमुंद ले 8, कबीरधाम ले 5, बिलासपुर ले 3, सूरजपुर ले 2, बलरामपुर अउ बलौदाबाजार ले 1-1 मरीज शामिल हे।

बता देन कि प्रदेश म कोरोना (corona) संक्रमित मन के कुल संख्या ह बाढ़ के 10202 पहुंच गे हे। जेमा ले 2520 एक्टिव मामला हे। उहचे 7613 लोगन मन ह कोरोना ल मात दे दे हे,

जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 69 लोगन मन के मौत हो गे हे।