dhamtari म मिले हे कोरोना के 10 नवा मरीज, एक्टिव मामला ह बाढ़ के होइस 20

जय जोहार…. धमतरी (dhamtari) जिला म कोरोना संक्रमित मरीज मन के संख्या ह कम होय के नाम नई लेवत हे।

जिला म आज कोरोना के 10 नवा मरीज के पहचान होय हे। एखर पुष्टि ल सीएमएचओ डॉ डीके तुर्रे ह करे हे।

(dhamtari) जिला म आज जेन कोरोना के नवा मरीज मिले हे, ओमा झुरा नवागांव ले 4, सौराबांधा ले 1, भौथिपारा ले 2, रावां ले 1, मगरलोड ले 2 मरीज शामिल हे। सबो नवा संक्रमित मरीज मन ल अस्पताल म भर्ती करे के प्रक्रिया ह चलत हे।

बता देन कि धमतरी (dhamtari) जिला म कोरोना संक्रमित मरीज मन के कुल संख्या ह 53 पहुंच गे हे, जेमा ले 20 एक्टिव मामला हे।

जबकि 32 मरीज मन ह कोरोना ल मात दे दे हे, जेखर बाद ओ मन ल डिस्चार्ज कर दे गे हे। उहचे एक मरीज के मौत हो गे हे।