नगर म रहिस रथ यात्रा के धूम

नवनीत शुक्ला मुंगेली । आज रथ यात्रा के त्योहार नगर म धूमधाम ले मनाय गिस । बिहनिया ले राम मंदिर म श्रद्धालु मन के भीड़ देखे बर मिलिस। बिहनिया पूजा अरचना करें के बाद दुपहर म जगन्नाथ सेवा समिति ह शोभायात्रा निकालिस। जेमा बड़ संख्या म श्रद्धालु मन बढ़चढ़ के हिस्सा लिस। भगवान जगन्नाथ रे रथ ल नगर के हर चउक चउराहा म घुमाय गिस ।
पुराना मान्यता हे के रथयात्रा के दिन पानी गिरथे । आज घलो हल्का फुहार के बीच म भगवान जगन्नाथ के यात्रा म श्रद्धालु मन के उत्साह देखे बर मिलिस । राम मंदिर ले सुरू होय ये यात्रा ह नगर भर म घूमे के बाद वापिस राम मंदिर के म आके समाप्त होइस ।