corona ह तोड़िस सबो रिकार्ड, 24 घंटा म 62 हजार ले जादा नवा मामला, 916 लोगन मन के हो गे मौत
जय जोहार…. देश म कोरोना (corona) संक्रमण के मामला ह सरलघा बाढ़त जावत हे। देश म कोरोना के कुल मामला ह 20.27 लाख ले जादा हो गे हे।
पिछिले 24 घंटा म कोरोना के रिकार्ड 62538 नवा मामला के पहचान होय हे। ए दौरान 916 लोगन मन के जान चले गे हे।
केंद्रीय स्वास्थ्य मंत्रालय ले जारी आंकड़ा के मुताबिक देश म कोरोना (corona) संक्रमित मरीज मन के कुल संख्या ह 20 लाख 27 हजार 75 पहुंच गे हे। जेमा ले 6 लाख 7 हजार 384 एक्टिव मामला हे,
जेखर मन के अलग-अलग कोविड अस्पताल म इलाज चलत हे। उहचे 13 लाख 78 हजार 105 लोगन मन ह कोरोना (corona) ल मात दे दे हे,
जेखर बाद ओ मन ह अस्पताल ले डिस्चार्ज हो के अपन घर लहुट चुके हे। ए वायरस ले देश म अब तक 41585 लोगन मन के मौत हो गे हे।