corona: छत्तीसगढ़ म देर रात फेर बाढ़ गे कोरोना के 54 अउ नवा मरीज
जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे।
बुधवार देर रात कोरोना के 54 अउ नवा मरीज के पहचान होय हे। एखर संग बुधवार के कुल 492 नवा मरीज मिले हे।
उहचे 269 मरीज मन ह कोरोना ल मात दे दे हे, जेखर बाद ओ मन ल डिस्चार्ज कर दे गे हे। जबकि पांच लोगन मन के मौत हो गे हे।
देर रात जेन कोरोना (corona) के नवा मरीज मिले हे, ओमा रायपुर ले 28, बेमेतरा ले 20, दुर्ग ले 2, राजनांदगांव, महासमुंद, गरियाबंद अउ रायगढ़ ले 1-1 मरीज शामिल हे।
एखर पहिले कोरोना के रायपुर ले 154, राजनांदगांव ले 55, रायगढ़ ले 41, दुर्ग ले 29, बस्तर ले 26, सुकमा ले 19, बिलासपुर ले 17, नारायणपुर ले 14, जशपुर ले 13, कोरबा ले 11, बलौदाबाजार अउ सूरजपुर ले 10-10, जांजगीर-चांपा ले 9, महासमुंद ले 6, बालोद अउ कांकेर ले 5-5, धमतरी, बेमेतरा अउ आन राज्य ले 3-3, बीजापुर ले 2, मुंगेली अउ सरगुजा ले 1-1 मरीज मिले रिहिस।
बता देन कि प्रदेश म कोरोना (corona) संक्रमित मरीज मन के कुल संख्या ह 13552 पहुंच गे हे। जेमा ले 3935 एक्टिव मामला हे।
उहचे 9508 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ल प्रदेश म अब तक 109 लोगन मन के मौत हो गे हे।
