chhattisgarh के फेर स्वच्छता सर्वेक्षण म सर्वश्रेष्ठ प्रदर्शन, 20 अगस्त के पीएम मोदी ह करही पुरस्कृत

जय जोहार…. ए वर्ष छत्तीसगढ़ (chhattisgarh) ह स्वच्छता के क्षेत्र म फेर बाजी मार ले हे। देश के स्वच्छतम प्रदेश म अपन दर्जा ल बरकरार रखत हुये छत्तीसगढ़ ह सर्वश्रेष्ठ प्रदर्शन करे हे। 20 अगस्त के प्रधानमंत्री नरेंद्र मोदी ह छ्त्तीसगढ़ ल पुरस्कृत करही।
(chhattisgarh) छत्तीसगढ़ ल न सिरिफ राज्य के रूप म बलकि इहां के 14 शहर अंबिकापुर, धमतरी, जशपुर नगर, पाटन, भिलाई, बिरगांव, भिलाई-चरौदा, चिरमिरी, कवर्धा, चांपा, पिपरिया, नरहरपुर अउ सारागांव ल घलो 20 अगस्त के एखर उत्कृष्ट प्रदर्शन बर पुरस्कृत करे जाही।
ए महत्वपूण उपलब्धि बर सीएम भूपेश बघेल ह (chhattisgarh) प्रदेशवासी मन ल बधाई दे हे। सीएम ह ए सफलता के श्रेय ल प्रदेश के जागरुक जनता, इहां के कर्मवीर सफाई कर्मचारी अउ अधिकारी मन के परिश्रम ल दे हे।