corona: देश म नई थमत हे कोरोना के मामला, बीते 24 घंटा म मिले हे 65 हजार नवा मरीज

जय जोहार…. देश म कोरोना (corona) संक्रमित मरीज मन के संख्या ह कम होय के नाम नई लेवत हे।

देश म कोरोना मरीज मन के कुल संख्या ह 25.26 लाख ले जादा हो गे हे। बीते 24 घंटा म कोरोना के 65 हजार नवा मरीज ह सामने आय हे। ए दौरान 996 लोगन मन के जान चले गे हे।

केंद्रीय स्वास्थ्य मंत्रालय ले जारी आंकड़ा के अनुसार पिछिले 24 घंटा म कोरोना (corona) के 65002 नवा मामला दर्ज करे गे हे।

एखर संग कोरोना संक्रमित मन के संख्या ह बाढ़ के 25 लाख 26 हजार 193 पहुंच गे हे। जेमा ले 6 लाख 68 हजार 220 एक्टिव मामला हे।

उहचे 18 लाख 8 हजार 937 लोगन मन ह कोरोना (corona) ल मात दे दे हे, जेखर बाद ओमन ल अस्पताल ले छुट्टी दे दे गे हे।

ए वायरस ले देश म अब तक 49036 लोगन मन के मौत हो गे हे।