जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। आज देर शाम कोरोना के 372 नवा मरीज के पहचान होय हे।
उहचे 363 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। जबकि आज इलाज के दौरान 6 मरीज मन के जान चले गे हे।
आज जेन कोरोना (corona) के नवा मरीज मिले हे, ओमा रायपुर ले 170, दुर्ग ले 59, बिलासपुर ले 34, सरगुजा ले 20, राजनांदगांव अउ महासमुंद ले 14-14, बलौदाबाजार, रायगढ़ अउ कांकेर ले 7-7, जांजगीर-चांपा, दंतेवाड़ा, सुकमा ले 5-5, जशपुर ले 4, बालोद, कोरिया अउ बस्तर ले 3-3, बेमेतरा, कबीरधाम, धमतरी अउ सूरजपुर ले 2-2, मुंगेली, कोंडागांव, नारायणपुर अउ बीजापुर ले 1-1 मरीज शामिल हे।
बता देन कि प्रदेश म कोरोना (corona) संक्रमित मरीज मन के कुल संख्या ह बाढ़ के 15993 पहुंच गे हे, जेमा ले 5247 एक्टिव मामला हे।
उहचे 10598 लोगन मन ह बने होय के बाद अपन घर लहुट चुके हे। ए वायरस ले राज्य म अब तक 148 लोगन मन के मौत हो गे हे।
No Comment! Be the first one.