corona ह तोड़िस सबो रिकार्ड, प्रदेश म एक दिन म सामने आय हे 808 नवा मरीज

जय जोहार। छत्तीसगढ़ म कोरोना (corona) संक्रमित मन के संख्या ह सरलघा बाढ़त जावत हे। मंगलवार देर रात राज्य म कोरोना के 107 नवा मरीज के पहचान होय हे।

एखर पहिले देर शाम के 701 मरीज मिले हे। ए नवा मरीज मन के संग मंगलवार के दिन भर म 808 नवा मरीज मिले हे। उहचे 249 मरीज मन ल बने होय के बाद डिस्चार्ज कर दे गे हे। जबकि 8 मरीज मन के मौत हो गे हे।

आज जेन कोरोना (corona) के नवा मरीज मिले हे, ओमा ले रायपुर ले 267, दुर्ग ले 92, रायगढ़ ले 74, राजनांदगांव ले 58, रायगढ़ ले 48, बिलासपुर ले 44, बालोद ले 34, कांकेर ले 31, कोरबा ले 21, नारायणपुर ले 20, जशपुर ले 19, सुकमा ले 16, जांजगीर-चांपा ले 15, बीजापुर ले 12, सरगुजा ले 11, सूरजपुर ले 9, गरियाबंद, धमतरी, कोरिया ले 5-5, कबीरधाम ले 3, बेमेतरा, बलौदाबाजार, महासमुंद, बलरामपुर अउ कोंडागांव ले 2-2, मुंगेली अउ गरियाबंद ले 1-1 मरीज शामिल हे।
बता देन कि प्रदेश म कोरोना (corona) संक्रमित मन के संख्या ह बाढ़ के 16833 हो गे हे। जेमा ले 5828 एक्टिव मामला हे।

उहचे 10847 लोगन मन ल बने होय गे बाद अस्पताल ले डिस्चार्ज कर दे गे हे।