Dhamtari: कोरोना ले डॉक्टर के हो गे मौत, रायपुर एम्स म चलत रहिस इलाज

जय जोहार…. धमतरी (dhamtari) जिला म कोरोना ले एक डॉक्टर के मौत हो गे हे। एखर पुष्टि ल सीएमएचओ ह करे हे।

मिले जानकारी के मुताबिक (dhamtari) जिला के नगरी ब्लाक म पदस्थ एक डॉक्टर के इलाज के दौरान मौत हो गे हे। कोरोना ले संक्रमित होय के पहिले ओला आन प्रकार के तकलीफ घलो रहिस, जेखर चलत ओखर रायपुर एम्स म इलाज चलत रहिस, जेखर सनिच्चर के इलाज के दौरान मौत हो गे हे।

(dhamtari) जिला के मुख्य चिकित्सा अउ स्वास्थ्य अधिकारी डॉ डीके तुर्रे ह बताइस कि नगरी ब्लाक के सिहावा म पदस्थ एमडी मेडिसिन चिकित्सक के डायबिटीज, बीपी अउ आन लक्षण के सती रायपुर एम्स म इलाज चलत रहिस। शुक्रवार के ओखर रिपोर्ट ह पाजिटिव आय रिहिस। आज ओखर मौत हो गे हे।